7 ліпеня 2023г. — 45 гадоў з дня стварэння ЗАТ «Ляхавіцкі завод «Металапластмас» (1978)
На прамысловай карце Ляхавіцкага раёна Брэсцкай вобласці 7 ліпеня 1978 г. з’явілася новае прадпрыемства — «Вопытны завод металічнай тары», якое было створана на базе тарнага завода. Першая прадукцыя — бляшанкі, якія выкарыстоўваліся для ўпакоўкі і захоўвання сушанай бульбы для маракоў далёкага плавання.
Пазней сталі выпускаць покрыўкі для шклатары. 25 млн. штук у год — лічылася вельмі добрым вытворчым паказчыкам. У 1982 г. на заводзе асвоена перапрацоўка поліэтылену высокага ціску і наладжана вытворчасць поліэтыленавых коркаў. У 1984 г. асвоены выпуск палімерных скрынак для бутэлек.
28 студзеня 2023 г. – 80 гадоў з дня нараджэння Міхаіла Мікалаевіча Пташука (1943–2002), кiнарэжысёра, народнага артыста Беларусi, лаўрэата Дзяржаўнай прэміі БССР
Міхаіл Мікалаевіч Пташук нарадзіўся 28 студзеня 1943 г. у в. Федзюкі Ляхавіцкага раёна Баранавіцкай (цяпер Брэсцкай) вобласці ў сялянскай сям’і. Гэта былі вельмі цяжкія часы нямецка-фашысцкай акупацыі. Маладая сям’я жыла ў зямлянцы, бацька цяжка хварэў і праз тры гады яго не стала. Выхаванне сына лягло на плечы маці Марыі Сямёнаўны і бабулі Лізаветы Раманаўны.
8 стузеня 2023 г. – 80 гадоў з дня нараджэння Сцяпана Фёдаравіча Сокала (1943–2020), вучонага-юрыста, гісторыка, філосафа, выдатніка адукацыі, грамадскага дзеяча
Сцяпан Фёдаравіч Сокал нарадзіўся 8 студзеня 1943 г. у в. Шавялі Ляхавіцкага раёна Брэсцкай вобласці. Яго бацькі, Хведар Піліпавіч Сокал і Кацярына Паўлаўна (Штундзер) былі звычайнымі сялянамі. Пасля вызвалення Беларусі бацька быў прызваны ў Чырвоную армію і накіраваны на фронт. У лютым 1945 г. пад Кёнігсбергам быў цяжка паранены, доўга лячыўся.
2022 г. — 280 гадоў з дня нараджэння Тадэвуша Рэйтана (1742?–1780), палітычнага дзеяча Рэчы Паспалітай
Тадэвуш Рэйтан нарадзіўся ў 1742 г. (па іншых звестках у канцы кастрычніка 1940 г.). у радавым маёнтку Грушаўка Навагрудскага павета ВКЛ (цяпер вёска Грушаўка Ляхавіцкага раёна Брэсцкай вобласці). Паходзіў з ліцвінскага шляхецкага роду Рэйтанаў, сын Дамініка Міхаіла Рэйтана, падкаморыя наваградскага. Яго маці, Тэрэза Вагадковіч, сястра уніяцкага мітрапаліта Фаліцыяна Вагадковіча, паходзіла са старажытнага шляхецкага роду. Тадэвуш быў ахрышчоны 20 жніўня 1742 г. у Ляхавічах.
23 лістапада 2022 г. — 130 гадоў з дня нараджэння Платона Фёдаравіча Равінскага (1892–1940), партыйнага і дзяржаўнага дзеяча
Платон Фёдаравіч Равінскі нарадзіўся 23 лістапада 1892 г. у в. Краглі Навагрудскага павета Мінскай губерні (цяпер Ляхавіцкага раёна Брэсцкай вобласці) у шматдзетнай сялянскай сям’і. З дзяцінства ён шмат працаваў. У 1909 г. у пошуках работы выехаў у ЗША, нейкі час працаваў на заводах Форда, наведваў вячэрнюю школу для рабочых. У 1912–1917 гг. быў членам саюза анарха-сіндыкалістаў.
15 кастрычніка 2022 г. — 125 гадоў з дня нараджэння Мікалая Мікалаевіча Пігулеўскага (1897–1967), опернага спевака, музычнага дзеяча, заслужанага дзеяча мастацтваў Беларусі
Мікалай Мікалаевіч Пігулеўскі нарадзіўся 15 кастрычніка 1897 г. у вёсцы Вялікае Падлессе Ляхавіцкай воласці Слуцкага павета Мінскай губерні (цяпер Ляхавіцкага раёна Брэсцкай вобласці). У 1919 г. быў членам Ляхавіцкага валаснога рэўкома.
У 1925 г. Мікалай Пігулеўскі скончыў Беларускі дзяржаўны ўніверсітэт, у 1928 г. — Беларускі музычны тэхнікум, у 1933 г. — Беларускую студыю оперы і балета. З 1920 па 1924 гг. — артыст Беларускага дзяржаўнага тэатра, у 1933–1935 гг. працуе салістам Дзяржаўнага тэатра оперы і балета БССР.
2022 г. — 530 гадоў з часу першага пісьмовага ўзгадвання г. Ляхавічы (1492)
Горад Ляхавічы Брэсцкай вобласці размешчаны на рацэ Ведзьма, прытоку ракі Шчара. Упершыню ў дакументах упамінаецца ў 1492 г. Чытаем, што кароль польскі і вялікі князь літоўскі Казімір дае дазвол пану Гаштольду (тагачаснаму ўладальніку Ляхавіч) на правядзенне тут кірмашоў і трыманне корчмаў. Мяркуючы па ўсім, мястэчка з назвай Ляхавічы ўзнікла значна раней.
17 лютага 2022 г. — 75 гадоў з дня прысваення Ляхавіцкай раённай бібліятэцы імя Янкі Купалы (1947), народнага паэта БССР
Пасля вызвалення ад нямецка-фашысцкай акупацыі (1944) пачалі стварацца і бібліятэкі. Ляхавіцкая раённая бібліятэка была створана 3 студзеня 1945 г., размясцілася ў фае Дома культуры. Першымі яе загадчыкамі былі Алена Давыдаўна Мурзіч, Вольга Антонаўна Канопкіна. У чэрвені 1946 г. бібліятэку прыняла Марыя Пракопаўна Кухарава-Пінчук.
15 жніўня 2022 г. — 75 гадоў з дня нараджэння Мікалая Іванавіча Таранды (1947), мастака-жывапісца, графіка
Мікалай Іванавіч Таранда нарадзіўся 15 жніўня 1947 г. у в. Вялікае Падлессе Ляхавіцкага раёна Брэсцкай вобласці. У вялікай сялянскай сям’і Івана Максімавіча і Фядоры Кляменцяўны Таранда Мікалай быў трынаццатым дзіцём. Мікалай з дзяцінства шмат працаваў, работы не баяўся і браўся за любую, але заўважаў колеры наваколля: якое неба незвычайнае, як шэпча трава, як адлюстроўваюцца ў вадзе праплываючыя аблокі.
12 жніўня 2022 г. — 65 гадоў з часу стварэння Ляхавіцкага дзяржаўнага аграрнага каледжа (1957), адасобленага структурнага падраздзялення УА «Баранавіцкі дзяржаўны ўніверсітэт»
У пасляваенны перыяд у Беларусі была вострая неабходнасць у кваліфікаваных спецыялістах для розных галін сельскай гаспадаркі. У адпаведнасці з распараджэннем Савета Міністраў СССР ад 22 лютага 1951 г. быў выдадзены загад № 247 намесніка міністра сельскай гаспадаркі БССР «Аб перадачы Жыровіцкай аднагадовай сельскагаспадарчай школе жывёлаводаў дапаможнай гаспадаркі вайсковай часткі, размешчанай у Ляхавіцкім раёне Баранавіцкай вобласці».